Mor og sønn
Originaltittel: Pozitia copilului
Regi: Calin Peter Netzer
Skuespillere: Luminita Cheorghiu, Bogdan Dumitrache
Nasjonalitet: Romania 2013
Språk: Rumensk
Lengde: 1 t 52 min
Utleie/Format: Tour de Force / DCP
Sterkt familiedrama fra Romania – Vinner av Gullbjørnen i Berlin 2013
To rumenske kvinner med pelskrager og tungt, edelt metall i øyra røyker tungt, drikker brunsprit, og snakkar om den eines vaksne son, og korleis han øydelegg livet sitt ved å ikkje vere glad i mora si.
Med lettare dokumentarisk kamera får eg ei slags kjensle av at dette kan vere opninga på ein episode av Rumenske Hollywoodfruer.
Akkurat det er nok litt med vilje, når regissør Calin Peter Netzer utforskar skiljet mellom nyrike og fattige i Romania – eit land han måler som gjennomsyra av korrupsjon og overflatisk glede – i familiedramaet Mor og Sønn.
Det er nok i ei slags beste meining at Cornelia forsøker å kontrollere Barbu – eventuelt skjemme han bort – mot ei betre framtid, vekk frå ei bortskjemt kone, og eit liv utan ambisjonar. Så hender det plutseleg ei ulukke. Sonen har køyrt uforsiktig, treft ein ung gut frå ei fattig familie, og drepe han augneblinkeleg.
Cornelia set alle klutar til verks, heile sitt nettverk av legar, politisjefar og advokatar, for å få han reinvaska. Om den traumatiserte sonen ynskjer dette er ei anna sak.
Det gnistrar av Luminita Gheorghiu, som spelar hovudrolla som den kontrollerande krafta i Barbus liv. Ho vekslar meisterleg mellom den overbeskyttande mora og den papirmølleskapande byråkraten som har kontaktar med folk som kan alle krinklar, krokar og smotthol i det offentlege systemet – utan omtanke for rettferdet, berre med omtanke for å kome inn igjen i sonen sitt liv.
Kanskje er det i ein tanke for å forsterke distansen mellom mor og son, men eg skulle gjerne ha sett meir av sonens indre liv, spela av Bogdan Dumitrache. Ein har knappast sympati for mammaguten før ein er eit godt stykke ut i filmen – og då er det nesten for seint.
(Kilde: Filmpolitiet NRK P3)